எனது பாடல்களை என் குரலில் கேட்க பின் வரும் இணைப்பைச் சொடுக்கவும் :

https://anchor.fm/saba-vadivelu

தமிழ் எனும் அமுதம்

(அமுதே தமிழே திரைப்படப் பாடல் மெட்டு)

 

திருவே, தகையே, திறமிகு மொழியே,
செந்தமிழே

தினம் தினம் புதுமைகள் தா

திகட்டாச் சுவைதனில் வா

தமிழே உலகை நீ யாளு          (திருவே தகையே....)

 

ஒன்றல்ல இரண்டல்ல 

சிலவல்ல செல்வங்கள்

 

இலக்கியங்கள் வளம் குவித்தாய்

இலக்கணங்கள் விதி வகுத்தாய்

நின் இயலும் இசையும் கூத்தும்

இவை கலந்தால் குறைதான்  ஏது

அந்த இறையே உனை வாழ்த்த

தமிழே உலகை நீ யாளு                (திருவே, தகையே....)

நாவில் சனி

 

  

சங்கடம் தருவதும் நீயே

சங்கடம் தீர்ப்பதும் நீயே

அண்மையில் நின் குடியிருப்போ

அலட் டுவார் அவர்தம் நாவினிலோ

ஆண்டவனை நிந்திக்கும் அரசியலார் 

கோவிலை நிந்திக்கும் கூத்தர்

 மதத்தை நிந்திக்கும் மதகுருமார் என 

அவரொடு அண்ணித்திருப்பது நீயன்றோ

நாவில் சனி நல்லோர்க் கில்லை

நாளும் தூற்றுவார் சொல்லில் புகுவாய்

நாட்டோர் கொதிக்க அடிபணித்திடுவாய்

நலமோ ? தீதோ ? நானறியேனே!

 

  

அவரவர் கடன்

 

ஈன்று புறந்தந்து வளர்த்தல் தாயின் தலைக் கடன்

நன்று வளம் பெறக் காத்தல் தந்தையின் கடன்

அறமே தலையென அறிவித்தல் ஆசான் கடன்

கல்வி கேள்வி கலைகள் தேர்தல் மகவின் கடன்

கள்ளம் களவு கபடு நினையாது நட்டல் நண்பர் கடன்

கற்ற வித்தை ஒப்பவே பணி யமைத்தல் அரச கடன்

பழியும் பாவமும் படராது பேணல் சமூகக் கடன்

போர் மறந்து பேதம் துறந்து மனிதம் மலர்த்தல்

மண் மீது என்றும் மன்பதையின் கடனாம்

வழாத மாரியும் வருத்தா இயற்கையும் ஈந்து

உலகெலாம் புரத்தல் எம் இறைக் கடனே!

தேசத்துக் கவலை - பாடலும் குரலும்: சபா வடிவேலு - சமூகச் சிந்தனை

கந்தனைக் கண்டேனடி - Saba Vadivelu

எனது நூல்கள்

அச்சிடப்பெற்ற எனது நூல்களை வாங்க, தொடர்பு கொள்க:

             94422 06051     (அ)   sabavadivelu@gmail.com

இவை தவிர்த்து, எனது மின்னூல்களைப் பெற :    சபா வடிவேலு , மின்னூல்கள்

எனது பாடல்கள் சிலவற்றை இசையுடன் கேட்க :

https://www.youtube.com/channel/UC4dn85wWEGK34DFfCUzNWyA?view_as=subscriber

முச்சந்தி முரசு - 20

  காதுகளுக்குப்  பாட்டு
  கைகளுக்கு விளையாட்டு
  கல்விக்கோ பூட்டு

முச்சந்தி முரசு - 19

 துண்டிக்க விரும்பா தொடர்பு:

அரை நொடிக்கொருதரம் புதுப்பிப்பு

அரட்டையர் குழுவில் அங்கலாய்ப்பு

அவ்வப்போது வேலையின் நினைப்பு

முச்சந்தி முரசு - 18

  மவுனப் புரட்சி

  பேரவையில் பல்லோர்
  பெருவிவாத சர்ச்சைகள்
  இல்லையொரு பேச்சு
  இணைய வழியாச்சு

முச்சந்தி முரசு - 17

வரிதோறும் வரி

வழிக்கு வருவார்களோ
வலைதளப் பதிவர்கள்
வரிக்கு வரி வரி விதித்திட்டால்?

முச்சந்தி முரசு - 16

அகிலமே அமைதி!

அமைதி அமைதி
ஆழ்ந்த மூழ்கிப்பு
அவரவர் கைத்திரையில்

முச்சந்தி முரசு - 15

காவிரிக் கொடை:

காவிரி ஓடினால் கழனியெல்லாம் செழிக்கும்

காவிரி வாடினால் மணற்கொள்ளை கொழிக்கும்

காவிரி ஓடினும் வாடினும் ஊடகம் தழைக்கும்

முச்சந்தி முரசு - 14

ஆண்டி ஆக்கினீரே:

பழம் கேட்டேன் மறுத்தீர்கள்

பாஷாணம் ஏற்றேன் சுரண்டினீர்கள்

பசும்பொன் கொண்டேன் திருடினீர்கள்

பழநி மலைபோதும், விட்டுவைப்பீர்!

எதற்கு , எதற்கு ?

அறிவனுக்கு எதற்கு ஞானப் பழம் ?

ஆண்டிக்கு எதற்கு நவ பாஷாணம் ?

அழகனுக்கு எதற்கு ஐம்பொன் ?

அதனால் எல்லாம் எமக்கே!