தமிழ் எனும் அமுதம்

(அமுதே தமிழே திரைப்படப் பாடல் மெட்டு)

 

திருவே, தகையே, திறமிகு மொழியே,
செந்தமிழே

தினம் தினம் புதுமைகள் தா

திகட்டாச் சுவைதனில் வா

தமிழே உலகை நீ யாளு          (திருவே தகையே....)

 

ஒன்றல்ல இரண்டல்ல 

சிலவல்ல செல்வங்கள்

 

இலக்கியங்கள் வளம் குவித்தாய்

இலக்கணங்கள் விதி வகுத்தாய்

நின் இயலும் இசையும் கூத்தும்

இவை கலந்தால் குறைதான்  ஏது

அந்த இறையே உனை வாழ்த்த

தமிழே உலகை நீ யாளு                (திருவே, தகையே....)